O prezo da electricidade non é obstáculo para que as rúas de Monforte énchanse de luz este Nadal. O Concello aumentou o investimento no alumeado de Nadal 2021 pasando de 28.000€ en 2020, a 50.000€ en 2021, sendo a maior inversión en alumeado de Nadal na historia de Monforte. José Tomé Roca, alcalde de Monforte, resalta que “dende o Concello potenciamos o alumeado de Nadal para impulsar o comercio e a hostalería, que son piares básicos da nosa economía. Para elo, superamos as 50.000 luces neste Nadal, pasando de 32.000 a máis de 50.000, é dicir, case 20.000 máis que en 2020, para dinamizar o Nadal da nova normalidade”. Monforte tivo tamén o seu acendido oficial, que contou coa participación do propio alcalde, acompañado pola Primeira Tenente de Alcalde, Gloria Prada, o Concelleiro de Servizos, José Luís Losada, o Concelleiro de Deportes, José Manuel Mougán, a Concelleira de Consumo, Regina López, o concelleiro de de Tecnoloxía e Innovación, Guillermo Díaz e o Concelleiro de Medio Ambiente, Miguel Tomé. O acendido oficial tivo lugar na Praza de España, diante dun novidoso cono de 14 metros de alto a modo de árbore de Nadal co que, en verbas do Alcalde “queremos transmitir unha nova esperanza, para que a xente poida facerse fotos no seu interior e para inxectar ilusión e alegría nas persoas que viven ou que visitan Monforte”. A idea é contribuír a crear un ambiente do Nadal que contribúa a que a xente salga á rúa, e goce do comercio e a hostalería local, nun intento de ir recuperando a normalidade agora de novo ameazada pola variante covid omicron.•
A pandemia condiciona a programación do Nadal do Concello de Monforte
A pandemia non impedirá que se celebren actividades como o certame de poesía infantil “Nadal 2021″, Concurso de Beléns para os centros educativos de Monforte, concertos da Sociedad Filarmónica de Monforte e da Coral Polifónica os 21 e 22 de decembro, ás 20:30 e 20:15, no Multiusos. O Apalpador visitará as rúas da cidade e a zona dos mercados-Praza de Abastos durante a mañá do xoves,24. Haberá Teatro de Marionetas o 28 ás 18:00 tamén no Multiusos. 17:00 horas. O 5 de xaneiro terá lugar a cabalgata de Reis. •
O PP DE MONFORTE CRITICA “A CATIVA” PROGRAMACIÓN DO CONCELLO PARA AS DATAS FESTIVAS
A voceira do Grupo Municipal do Partido Popular, Katy Varela, afea a Tomé “a cativa” programación do Concello para estas datas. Tal é así que indica: “Se non fose polo CCU, en Monforte non teriamos actividades de Nadal”. “Os populares botamos de menos máis actividades e, sobre todo, máis iniciativas interactivas cos veciños e as veciñas”, afirma. Dende o PP indican que son moitos os veciños que se queixaron a este respecto, sobre todo, pola falta de accións dirixidas aos máis pequenos, en comparación cos municipios limítrofes, como o de Sober, que teñen menos poboación e, por tanto, menos presuposto para este fin. “Acontece o mesmo que no verán. O equipo de goberno demostra así unha falta de creatividade sen actividades e unha escasa programación cultural para estas datas. A Covid non é escusa, pois aínda cando é necesario extremar as precaucións, certos actos poden levarse a cabo”, insiste. Por este motivo, Katy Varela manifesta que “non podemos entender como o alcalde presume de inversión de luces e logo non ten actividades”. Incluso, advirte, “a iluminación ata podería mellorarse, sendo esta tamén máis interactiva como acontece con outros lugares como Allariz ou Mondoñedo”.•
Cargando ...
