O comercio e hostalaría de Sarria desexan transmitir alegría e ilusión nestas datas. Ata o 31 de decembro estará vixente na rúa de novo “O LOTÓN”, na súa cuarta edición, actividade central da campaña que permitirá que un/unha cliente do CCU de Sarria gañe mil euros, que terá que gastar de novo no comercio asociado. A persoa premiada terá que facer as súas compras antes do día de Reis. O sorteo terá lugar no bulevar da Calvo Sotelo o día 4 de xaneiro.
Haberá ademais, concurso de escaparates para os asociados e animación nas rúas cos trasgos do Nadal do CCU, actividades convivirán coa campaña l da Federación de Comercio de Lugo en colaboración coa Deputación “Merca no comercio local. Merca na provincia de Lugo”, no que se sortean 30.000 euros repartidos en 1.000 tarxetas prepago de 30 €.•
