Aberto o prazo para solicitar a participación

• Celebrarase o sábado día 16 e o domingo 17 de abril de 2022, coincidindo co fin da Semana Santa

Aínda que paradoxalmente, o número de contaxios por Covid-19 está alcanzado as cifras máis elevadas durante toda a pandemia, o Concello, está paulatinamente recuperando os eventos festivos tradicionais de Monforte. En Nadal celebrouse cabalgata, recupérase o Entroido e xa está en marcha a preparación da XVIII Feira Medieval. O dous pasados anos non se puido celebrar, pero agora xa se traballa nunha das propostas máis exitosas do panorama festivo monfortino. Como ben sinala o seu alcalde José Tomé, “A Feira Medieval de Monforte é un dos maiores eventos da cidade a nivel cultural e comercial, xa que representa un atractivo turístico e axuda a atraer visitantes a Monforte e o conxunto da Ribeira Sacra. Queremos que a xente a poida seguir incluíndo dentro da súa programación de descanso e de ocio nas vacacións de Semana Santa, e traballamos para que así sexa”. Lembra o mandatario monfortino que «por mor da pandemia non se puido celebrar nin en 2020 nin en 2021 o que é un dos eventos máis destacados e que máis xente atrae a Monforte, pero o pasado ano dende o Concello elaboramos dous vídeos promocionais con actores de renome co obxectivo de non esquecernos da Feira Medieval e que servisen de impulso para volver con máis forza neste 2022”.
E comeza xa o Concello a traballar, de xeito xa está aberto o prazo para solicitar a participación na XVIII Feira Medieval de Monforte que se celebrará o sábado día 16 e o domingo 17 de abril de 2022.
Segundo se especifican nas bases da convocatoria, o 28 de febreiro remata o prazo de inscrición, e o día 16 de marzo publicarase na páxina web municipal (www.monfortedelemos.es) a listaxe de admitidos e admitidas, data na que tamén se indicará a forma de facer efectivo o prezo de inscrición. Admitiranse tres modalidades de postos: alimentación, artesanía e comercio. E darase prioridade ás solicitudes de vendedores de Monforte, así como aqueles postos de artesanía con carta de artesá. O Alcalde salienta que “con esta convocatoria seguimos traballando na organización das actividades propias do calendario de eventos anual do noso Concello, neste caso a Feira Medieval, cumprindo así co noso compromiso de volver a recuperar a normalidade fronte a covid-19, sempre que sexa posible segundo evolucionen as circunstancias determinadas pola pandemia”.•

Deixa unha resposta

Your email address will not be published.

Nova Anterior

Eduardo Iglesias impartirá un curso de navegación off road

Seguinte Nova

Sarria prepárase para a Volta O Gran Camiño

Últimas noticias sobre INICIATIVAS

Únete ao reto

• A campaña da Xunta que anima a reciclar envases lixeiros coa instalación dun contedor xigante

A %d blogueros les gusta esto: