Monforte incrementa o persoal da súa Policía Local con tres novos axentes

• Son alumnos da 13ª promoción de Policía Local que remataron en decembro a súa formación teórica na Academia Galega de Seguridade Pública

Dos 98 alumnos da 13ª promoción da Policía Local da Academia Galega de Seguridade Pública (AGASP ), que remataron a súa formación teórica na academia o pasado decembro, tres deles remataron as súas prácticas no Concello de Monforte, onde tomaron posesión o como funcionarios de carreira. O director xeral de Emerxencias e Interior, Santiago Villanueva, sinalou o importante labor que presta a AGASP na formación das novas promocións de Policía Local e na súa selección a través das oposicións unificadas a través do convenio asinado en 2017 coa FEGAMP para colaborar cos concellos galegos que dedican delegar no Goberno galego a selección e formación das súas plantillas de Policía Local. Ata agora, 89 concellos dos 129. A AGASP é o centro de referencia na formación das forzas e corpos de seguridade en Galicia, xa que ademais de preparar ás novas promocións de Policía Local ofrece cursos con contidos actualizados e adaptados á realidade do seu traballo diario e dos servizos de emerxencias que traballan na comunidade para garantir a seguridade dos galegos e galegas.
Pola sua banda, o Alcalde de Monforte, José Tomé Roca, presidiu a toma de posesión coma funcionarios de carreira dos tres novos policías municipais, que pasan a pertencer ó cadro de persoal funcionario do Concello de Monforte de Lemos. No acto estivo acompañado da 1ª Tenente de Alcalde, Gloria Prada, o Secretario do Concello, José Antonio Mourelle, e o Inspector Xefe da Policía Local, Miguel Martínez.
Os tres novos axentes da Policía Local de Monforte son Iván Pérez Nogueira, de O Carballiño, Francisco Cao de Jesús, de A Estrada, e Adrián Conde Castro, natural de Lugo. Ocupan a súa praza no Concello na escala de Administración Especial, escala básica, na categoría de axente de Policía Local, grupo C1.
Neste acto, o Alcalde aproveitou tamén para departir cos novos axentes sobre o funcionamento do corpo da Policía Local e outros aspectos relacionados coas súas futuras funcións na cidade e no conxunto do Concello. E tamén lles desexou moita sorte nesta nova etapa que comezan ó servizo dos cidadáns de Monforte.
Os tres axentes despois de pasar pola Academia Galega de Seguridade Pública de A Estrada levaron a cabo un último período de prácticas dende o 23 de decembro de 2021 ata o 31 de xaneiro de 2021, superando todo o proceso de xeito satisfactorio.•

Deixa unha resposta

Your email address will not be published.

Nova Anterior

Doc Magoo’s tras máis de vinte anos, inicia unha nova etapa

Seguinte Nova

As obras na estación de Sarria inclúen unha nova pasarela peonil

Últimas noticias sobre SERVICIOS

A %d blogueros les gusta esto: