•Contou coa presenza do autor Roberto Mera Covas, o xornalista Xosé Manuel Pereiro e o ex-alcalde de Monforte, Severino Rodríguez.
O avogado e politólogo Roberto Mera Covas presentou este sábado 12 no Ateneo Casino de Monforte o seu libro Alejandro Viana. Un galego á fronte do rescate dos refuxiados republicanos (Belagua Ediciones). No acto participaron o autor acompañado do xornalista Xosé Manuel Pereiro e do ex-alcalde Severino Rodríguez.
Mera constrúe un libro ameno para contar os dezaséis últimos anos da vida de Alejandro Viana, deputado republicano e tío bisavó do autor. Viana fuxiu a Francia e arriscou a súa vida para salvar a decenas de miles de refuxiados republicanos, feito polo que se lle coñece como o ‘Schindler’ galego.
Na Europa ocupada polos nazis miles de exiliados republicanos españois devecían por chegar a América para salvar as súas vidas. A intervención de Alejandro Viana foi decisiva para a evacuación dende Francia cara a América de 17.000 refuxiados republicanos tras o comezo da guerra civil española.
En 1941, acosado pola Falanxe e a Gestapo, Viana emprendeu unha desesperada fuxida. Logo de once meses de anguriante viaxe por África,chegou a México, onde viviu ata o seu falecemento en 1952.•
