• O evento rematou coa actuación das pandereteiras de Samoeiro, e cos bailadores da Escola de música municipal
Nuns tempos en que a participación de Tanxugueiras no pasado Festival de Benidorm está a levar a música en galego, e o concepto de pandereteiras e cantureiras por toda España, na Pobra do Brollón, levouse a cabo un acto de acercamento ás raices deste tipo de música, coa presentación pola antropóloga e etnomusicóloga Beatriz Busto Miramontes do seu libro-CD Pandereteiras de Mens. O libro profunda na vida das cinco Pandereteiras de Mens, que dende a comarca de Bergantiños, cruzaron fronteiras e racharon estereotipos coa súa música. Elas son as primeiras mulleres que, sendo labregas, levaron o formato das pandereteiras aos escenarios públicos nos anos 70 e 80.
UNHA HOMENAXE ÁS MULLERES PIONEIRAS DA MÚSICA GALEGA
‘Esta presentación é unha homenaxe a todas as mulleres que abriron camiño e permitiron que a nosa música tradicional teña a impacto de hoxe, como estamos vendo co fenómeno Tanxugueiras,’ declarou o alcalde da Pobra do Brollón, Xosé Lois Maceda.
O libro contén fotografías a cor, unha excelsa compilación de músicas e transcrición de letras e músicas en partitura, para o que a autora contou coa colaboración do etnomusicólogo Sergio de la Ossa.
O acto rematou nunha auténtica foliada, coa musica a cargo das Pandereteiras de Samoeiro, que levantaron a moito do numeroso público asistente. Tamén fixeron acto de presencia para sumarse á festa os bailadores da Escola municipaa de Música Samoeiro.•
