• A curtametraxe, dirixida por David Vázquez, achégase á figura dunha xove Rosalía de Castro
O pasado sábado 26 de febreiro, ás 20 horas, con entrada libre, o Auditorio Municipal de Chantada acolleu a estrea da curtametraxe A rosa incandescente, dirixida por David Vázquez. O filme, que está baseado nun guión de Anxos García, quen tamén asume o labor de produción, rodouse no Pazo de Sabadelle, en Chantada, e no seu contorno. A guionista e produtora, Anxos García, profesora en Pontedeume, ideou durante o confinamento un proxecto didáctico e cultural baixo o nome de A rosa incandescente, que inclúe moito maís ca película, trátase de toda unha aventura de investigación e creatividade, vinculado ao mundo de Rosalía, que dalgún xeito, Anxos García asumíu como propio, e quixo reflexalo ben a través das redes, a través do libro Encanta se ri, conmove se chora, do que é coautora xunto con Glafira Fernández-Campoamor, e no que se recolle de forma explícita todo o proceso creativo que a levou ao desenrolo do proxecto de curtametraxe que agora estréase en Chantada. Pero neste proceso, non camiñou soa, de feito, A rosa incadescente é antes que nada un proxecto colectivo, o fruto dun traballo en común levado a termo por persoas entusiastas e aplicadas. Unha delas, figura que a autora atopou por casualidade cando buscaba localizacións para a rodaxe da sua historia, é David Vázquez, Pinancho, un cineasta xa moi recoñecido no mundiño audiovisual galego, tanto en ficción como en traballo documental, especialidade coa que obtivo un especial recoñecemento en festivais de todo o mundo coa exitosa longametraxe Asolagados. Pero non é o único, en A rosa incandescente, hai que destacar o impecable traballo de pescuda e deseño de vestuario de Ana Gesto e Leonor Beiroa, na búsqueda da moda dos anos 60 do século XIX. Tamén é sustancial a dirección de fotografía que correu a cargo de Bruno Maez, que a pesar de que estamos ante unha produción de medios modestos, conseguiu unha textura de cor impecable, tal e como se aprecia no trailer xa presentado. A banda sonora é obra da pianista ortegana Tamara Lorenzo Gabeiras.
E finalmente hai que destacar o notable traballo interpretativo da chantadina Alba López, que encarna de xeito brillante o papel dunha Rosalía de Castro máis xove do que estamos acostumados a ver, un reto que afrontou con respeto e ilusión. •
