• Tamén critica a contabilización de preto de 3 millóns de euros en reparos, cualificándoos como gastos sen control
O PP de Monforte solicita no Pleno que o Concello elabore unha Relación de Postos de Traballo (RPT) por medio dunha consultora externa, e co fin de que esta poida ser aprobada canto antes. Os populares adoptaron esta decisión tras un ano dende que se emitiu o informe de Intervención no que reflictía a necesidade de contar con este documento, e dado que o concello continúa sen a RPT, consideran que están incumprindo con elo o estatuto básico do empregado público, a continúa xurisprudencia e o propio informe de do servizo de Intervención. Ademáis, critican que o Concello contabilizara en 2021 reparos de intervención por valor de 2.985.000 euros. Así o indica a voceira do Grupo Municipal do PP, Katy Varela, logo de examinar a documentación pertinente e de constatar que estes pagos se fixeron sen o procedemento legal establecido, e que corresponden na súa maior parte á licitación de servizos e de obras. Katy Varela amósase “profundamente preocupada pola xestión de Tomé” e considera “alarmante” que unha cuarta parte do Orzamento municipal se destine “a este tipo de gastos sen control”. •
