Quiroga amosa a súa solidariedade co pobo ucraíno e pide o cese da guerra

• As luces das letras de Quiroga do parque da Constitución están estes días iluminadas en cor azul e amarela, as cores da bandeira de Ucraína

Son moitas as mostras de repulsa contra a guerra e tamén de solidariedade co pobo ucraíno que se poden ver estes días no sur de Lugo. Tamén en Quiroga quixeron mostrar a súa posición en contra da guerra entre Rusia e Ucraína. Como mostra do seu apoio e compromiso as luces das letras de Quiroga do parque da Constitución están estes días iluminadas en cor azul e amarela, as cores da bandeira de Ucraína. O equipo de Goberno, encabezado polo alcalde de Quiroga, Julio Álvarez, amosou a súa solidariedade co pobo ucraíno coa presentación dunha moción na que condena a invasión de Rusia en Ucraína e amosa o seu apoio ás accións do Gobierno de España, en colaboración cos aliados da OTAN e a UE. Asi mesmo expresa o máis firme compromiso coa defensa dos principios da democracia, o Estado de dereito e a protección dos dereitos fundamentais contemplados no Preámbulo do Tratado da Alianza do Atlántico Norte e no da Constitución Europea. E apoia que o Goberno negocie, o antes posible en Bruxelas, un plan de axuda humanitaria á poboación civil ucraína.
O Concello vén de unirse á petición realizada desde a Federación Galega de Municipios e Provincias para acoller a familias refuxiadas ucraínas e deste xeito apoia a labor da Comunidade Internacional axudando na protección e o benestar dos cidadáns que foxen do conflito bélico. Esta non é a primeira vez que o concello quirogués se suma a unha causa deste tipo posto que no seu día xa acollera a dúas familias bosníacas afectadas pola guerra de Iugoslavia.•

Deixa unha resposta

Your email address will not be published.

Nova Anterior

A XLII Feira do Viño de Amandi presenta o seu Cartel

Seguinte Nova

Novidades para a XL Feira do Viño de Quiroga

Últimas noticias sobre INICIATIVAS

A %d blogueros les gusta esto: