Xunta e Mancomunidade de Concellos Galegos do Camiño Francés asinan un protocolo de colaboración

Alfonso Rueda e Claudio Garrido, na firma do Protocolo en Sarria. Foto GPXG.

O vicepresidente primeiro da Xunta, Alfonso Rueda, asinou en Sarria durante unha reunión coa Mancomunidade de Concellos Galegos do Camiño Francés o protocolo de colaboración coa entidade para levar a cabo actuacións de mellora paisaxística e de promoción do Xacobeo nesta ruta. Alfonso Rueda agradeceu a implicación da Mancomunidade na divulgación e conservación deste itinerario. A Xunta vén colaborando con esta entidade e este protocolo será o paso previo para executar o convenio bianual 2022-2023, dotado con máis de 1 millón de euros e destinado a medidas tanto para a propia mancomunidade como de forma individual aos 11 concellos que a integran para traballos de mellora paisaxística e embelecemento de recursos do Camiño, así como actividades culturais e turísticas de promoción do Xacobeo 21-22.
Alfonso Rueda asinou o protocolo xunto co presidente actual da Mancomunidade, o alcalde de Sarria, Claudio Melquíades. Ao acto tamén acudiron a directora de Turismo de Galicia, Nava Castro; o delegado territorial da Xunta en Lugo, Javier Arias; xunto cos alcaldes de Pedrafita do Cebreiro, Triacastela, Samos, Paradela, Portomarín, Monterroso, Palas de Rei, Melide e O Pino, a tenente de alcalde de Arzúa e o vicepresidente da Federación Galega de Amigos do Camiño, Ángel Trabada.
O Camiño de Santiago está a superar tódalas expectativas con case 180.000 Compostelás entregadas o ano pasado fronte ás 140.000 previstas. O Camiño Francés concentrou máis da metade dos peregrinos con máis de 98.000. Ademais, no que vai de ano xa se entregaron máis de 3.600 Compostelás. •

Deixa unha resposta

Your email address will not be published.

Nova Anterior

8M DÍA DA MULLER: Un día para celebrar o logrado e lembrar que aínda é longo o camiño por percorrer

Seguinte Nova

Outra nova sentenza a favor do Concello monfortino

Últimas noticias sobre ECONOMÍA

A %d blogueros les gusta esto: