Axudas a empresas e asociacións da provincia para incorporar mozos en réxime de prácticas remuneradas

• A iniciativa está incluida no programa Reiníciate: Enfoca o teu futuro que teñen en marcha a Deputaciónde Lugo e a Escola de Organización Industrial para favorecer a inserción laboral da mocidade

Acto de presentación do programa Reiníciate: Enfoca o teu futuro. coa participación de Jose Tomé, Presidente da Deputación de Lugo e membros da EOI. Foto GPDL.

Xa está aberta a convocatoria da liña de axudas da Deputación de Lugo e a Escola de Organización Industrial (EOI) para empresas e asociacións da provincia interesadas en contar con mozos e mozas en réxime de prácticas non laborais remuneradas. Estas axudas, incluidas no programa Reiníciate: Enfoca o teu futuro, para sufragar as becas que percibirán os rapaces e rapazas por un período de prácticas non laborais de tres meses. A remuneración total que como máximo recibirá o alumno ou alumna é de 2.084,47€, o que supón 1,2 veces o IPREM mensual. No caso de persoas cunha discapacidade superior ao 33%, a contía total a percibir será como máximo de 2.431,88€ por alumno, 1,4 veces o IPREM mensual. Cada entidade ou empresa beneficiaria das axudas poderá contar con varios alumnos ou alumnas. Poden optar a esta convocatoria todas aquelas empresas de calquera sector, asociacións e outras entidades sen ánimo de lucro da provincia de Lugo que queiran incorporar no seu equipo a mozos para prácticas non laborais e que firmen un convenio co Servizo Público de Emprego con esta finalidade.
O prazo de presentación de solicitudes é de 60 días naturais aa contar dende o 23 de marzo, e deben cumprimentarse por vía telemática na web www.eoi.es. As axudas concederanse a través dun procedemento de concorrencia competitiva.
Para que as prácticas sexan subvencionables terán unha duración por un período de tres meses, cunha xornada mínima de 4 horas ao día e de 30 horas semanais como máximo.
Por outra banda, cabe sinalar que aínda segue en marcha o plan de formación e emprego xuvenil da Deputación, que arrancou en xaneiro e ten aínda prazas dispoñibles. As matrículas pódense formalizar en: https://empleojovenlugo.es/.•

Deixa unha resposta

Your email address will not be published.

Nova Anterior

A Xunta deixa de recomendar o uso das máscaras nos patios dos colexios

Seguinte Nova

Todo preparado para a XVIII Feira Medieval de Monforte

Últimas noticias sobre ECONOMÍA

O prezo do leite

• Agromuralla e UCGAL monitorizarán os prezos do leite desde as granxas ate os puntos de

A %d blogueros les gusta esto: