Novas tecnoloxías na celebración da 59ª Asemblea xeral ordinaria da Rede de Xudarías

• Gloria Prada participou neste encontro que se celebrou de xeito telemático

Nesta semana, a Rede de Xuderías de España celebrou a súa 59ª Asemblea Xeral Ordinaria, dirixida polo actual Presidente da Asociación e Alcalde de Lucena, Juan Pérez, e na que participou a primeira Tenente de Alcalde de Monforte, Gloria Prada.
Pero a curiosidade desta Asemblea foi que a reunión tivo lugar de xeito telemático. As novas tecnoloxías ao dispor da conservación do patrimonio cultural e histórico, aínda que Lucena traballa xa na preparación dun novo encontro que reúna na cidade andaluza ós representantes da asociación.
Os participantes compartiron as inquietudes relativas á situación internacional e as posibles repercusións da mesma. Ademais de Monforte, asistiron as cidades de Ávila, Barcelona, Béjar, Cáceres, Córdoba, Estella-Lizarra, Jaén, León, Lucena, Lorca, Sagunto, Tarazona, Toledo, Tudela e Tui.
Aprobáronse as contas anuais de 2021, e o proxecto de axudas estatais do Programa “Experiencias Turismo España”, que a Rede presentará antes do 20 de abril co fin de poder levar a cabo un proxecto de desenvolvemento de xestión turística de experiencias nas cidades asociadas.
Ademais, a Rede de Xuderías intensifica a súa posición en Europa, e por iso contouse na Asemblea co apoio da Asociación Europea do Patrimonio Xudeu. O seu Director, Víctor Sorenssen, así como o Vicepresidente da Rede de Xuderías de Portugal e Alcalde de Castelo de Vide, Antonio Pita, foron invitados de excepción, nunha Asemblea na que informaron dos proxectos que lles vinculan e nos que traballan conxuntamente coa Rede de Xuderías de España.•

Deixa unha resposta

Your email address will not be published.

Nova Anterior

Teatro

Seguinte Nova

Asociación de Veciños de Parteme

Últimas noticias sobre PORTADA

A %d blogueros les gusta esto: