O Saviñao recibiu preto de 424.000€ en axudas da Vicepresidencia Primeira da Xunta

• Entre eles, o Goberno galego destinou 40.000 euros ao abeiro da Orde da Infraestruturas de uso público para a construción dun skatepark no lugar de Escairón

Imaxe da visita á pista de skate en Escairón. Foto GPXG.

A directora xeral de Administración Local, Natalia Prieto, e o delegado territorial da Xunta en Lugo, Javier Arias visitaron o concello de O Saviñao ao que o Goberno galego destinou 40.000 euros ao abeiro da Orde da Infraestruturas de uso público para a construción dun skatepark no lugar de Escairón. Segundo explicou Natalia Prieto, o concello solicitou a axuda para instalar a infraestrutura deportiva destinada á práctica do skateboard e o patinaxe, xa que segundo indicaron son deportes que están están experimentando un importante incremento nos últimos anos e non dispoñían de ningún lugar de práctica para os mesmos.
A directora xeral de Administración Local destacou a importancia da colaboración entre a Xunta e os municipios galegos. Nesta liña, indicou que este O Saviñao recibiu nos últimos anos preto de 424.000 euros das ordes de axudas da Vicepresidencia Primeira destinadas aos concellos, como unha multipista no campo sintético Currelos, a adquisición dun tractor, a creación dun espazo público de ocio para nenos e maiores en Currelos, o acondicionamento do edificio do concello en Escairón, o formigonado de camiños en Ousende e Diomondi, a mellora de vías públicas municipais e do servizo de recollida e residuos e mobiliario urbano, a contratación de persoal para a protección do ambiente e do espazo natural, a compra dun dumper para a realización de actividades ambientais, así como o mantemento dos espazos de interese ambiental.•

Deixa unha resposta

Your email address will not be published.

Nova Anterior

O Goberno de España responde ao BNG sobre os procesos catastrais en Chantada

Seguinte Nova

Pantón mellora a Fonte do Piñeiro, na contorna do Camiño de Inverno

Últimas noticias sobre INICIATIVAS

Únete ao reto

• A campaña da Xunta que anima a reciclar envases lixeiros coa instalación dun contedor xigante

A %d blogueros les gusta esto: