Facía moitos anos que o baloncesto monfortino non nos daba tantas boas noticias, pero o traballo moitas veces escuro e silencioso que leva moitos anos facendo o Val de Lemos, comeza a dar os seus frutos. O seu equipo infantil vén de eliminar ao Xinzo nas semifinais e gañar no primeiro partido da final ante o Academia Proxecto Depordima por un claro 36-49 na sua visita a Ourense. Os monfortinos están a un só triunfo dun título que lles daría acceso a loitar por unha praza na Liga Galega Infantil. A volta do play-off final terá lugar en Monforte o 23 de abril no Pavillón deportivo do IES Río Cabe ás 18 horas.•
