O Club Korbis volveuno facer por enésima vez. Esta vez conseguiron un dobre campionato galego. Os seus equipos infantís feminino e masculino alzáronse co título nas finais celebradas en Monforte e San Sadurniño respectivamente. O Pavillón da Pinguela mostrou un ambiente como non se lembraba desde facía anos para ver como o equipo adestrado por Juliana Ribeiro impoñíase de forma contundente ao Calasancias de Coruña por 3-0. Pola súa banda, o equipo masculino, conseguía vencer un partido enormemente igualado ante o Jealsa Boiro por 3-2. Parabén ao Korbis e o volei monfortino, toda unha garantía do traballo ben feito.•
Cargando ...
