A masiva presenza de turistas nas rúas durante a Semana Santa xa facía prever que os datos de aloxamento na Ribeira Sacra ían ser bos. E os datos aportados polo Consorcio Turístico corroboran esta impresión. O conxunto de aloxamentos acadou unha ocupación media dun 80% durante os días previos aos festivos e do 93% de xoves a domingo,sendo os hoteis de 4 e 3 estrelas, xunto coas vivendas turísticas os establecementos que rexistraron maiores ocupacións. As choivias dos primeiros días non provocaron “cancelacións de última hora” por mor da meteoroloxía. A ocupación desta Semana Santa en Ribeira Sacra é a máis alta dende que se teñen rexistros; un 4% máis de ocupación nos días previos e un 3% nos días centrais en relación a 2019.•
Cargando ...
