O camiño ata Corea foi longo e custoso para os deportistas do Neka de Monforte, per sen dúbida, todo o esforzo valeu a pena porque os pupilos de José María Vega non só adquiriron unha experiencia deportiva e persoal que non esquecerán, senón que ademais no meramente competitivo, lograron un gran éxito, personificado na parella formada por Laura Álvarez e Daniel Areán, que se alzaron coa medalla de bronce tras unha excelente competición, sendo só superados polas parellas de Taipei e Filipinas, medallas de ouro e prata respectivamente.
Con esta medalla contribuíron a que España conseguise o cuarto posto no medalleiro con trees medallas de ouro, unha de prata e catro de bronce. O primeiro posto foi para Corea de forma destacada, con 20 medallas de ouro, seguida de Taipei e EEUU.
En canto á participación do resto de deportistas do Neka, hai que destacar o sexto lugar alcanzado por Lucía Roca e Aitor Teijeiro, e o noveno do trío formado por Yaiza Veo, Karla Novo e Margarita Moura. Pola súa banda Carlos Rey e Alex Camba non puideron pasar á seguinte fase na competición de trío na que participaron, ademais doutro sexto posto en trio para Laura Álvarez e Daniel Areán.
Os compoñentes da expedición foron recibidos por numeroso público na Estación de Ferrocarril de Monforte, onde foron recibidos como heroes.•
Cargando ...
