O Centro de Maiores de Ribas de Sil estará aberto antes de fin de ano

• Logo da aprobación, por unanimidade, no pleno da Deputación, do convenio co Concello de Ribas de Si

O Presidente da Deputación José Tomé e Miguel Angel Sotuela, alcalde de Ribas de Sil. Foto GPDL..

O Pleno da Deputación de Lugo aprobou por unanimidade s o convenio específico do Centro de Atención a Maiores de Ribas de Sil. Este era o último trámite interadministrativo entre o Concello e a Deputación que estaba pendente para poder levar a cabo á apertura da residencia, que se prevé que sexa este ano, e será asinado polo Presidente da institucional provincial e o Alcalde da localidade Miguel Angel Sotuela. quen destacou esta aprobación, “por unanimidade, no pleno da Deputación, do convenio con Ribas de Sil para a apertura da tan ansiada residencia para o noso Concello. Despois puidemos manter unha reunión con técnicos do ente provincial, que nos fan afirmar que antes de que remate o ano contaremos coa residencia aberta e funcionando, cos primeiros usuarios”.
Este convenio, destacan dende o organismo provincial, dá mostra de que a Deputación avanza e cumpre co compromiso que ten adquirido cos Concellos en materia de residencias, e coas partidas destinadas á apertura de novas residencias cando aprobou os Orzamentos 2022. Con este convenio específico establécese a prioridade de acceso ás prazas no centro para os veciños e veciñas de Ribas de Sil; en segundo termo para os dos municipios limítrofes ou da comarca; e despois, para os veciños da provincia en xeral.
O convenio recolle que a Deputación se compromete a efectuar o financiamento previsto, a actuar como órgano de contratación e a impulsar un equipo técnico especializado no ámbito dos servizos sociais. E pola súa banda, o Concello comprométese a colaborar coa institución provincial e a facer as achegas económicas previstas.
Así mesmo, o documento inclúe o orzamento de máis de 2,8 millóns de euros para as vindeiras catro anualidades para o funcionamento da residencia.

NOVE RESIDENICAS ABERTAS
Dende a Deputación destacan o seu compromiso cos concellos en materia de residencias é que, só no que vai de mandato, abriu catro novos centros de maiores, na Fonsagrada, Castroverde, Pedrafita do Cebreiro e Meira, que se suman aos tres que xa estaban en marcha, en Trabada, Ribadeo e Pol. Ademais, neste ano a institución ten previsto abrir as residencias de Ribas de Sil e Navia de Suarna, co que a finais deste mandato, serán un total de 9 os centros de maiores da rede pública da Deputación en funcionamento. Así mesmo, continúa traballando no resto de proxectos, como os da Pontenova, Portomarín, Guitiriz, Becerreá, A Pobra do Brollón, Ourol, Cervantes, Folgoso do Courel e Ferreira de Pantón.•

Deixa unha resposta

Your email address will not be published.

Nova Anterior

Nova sentenza favorable ao Concello de Monforte, esta vez en relación co concurso do Centro do Viño

Seguinte Nova

Constituida a comisión de seguimento da Unidade de Atención Temperá

Últimas noticias sobre SERVICIOS

A %d blogueros les gusta esto: