O Alcalde de Monforte, José Tomé Roca, informou que o Concello vén de expedir a licencia de obra para que se inicien os traballos de construción da nova Comisaría da Policía Nacional en Monforte, logo de que os informes dos técnicos municipais validasen o proxecto presentado pola Dirección Xeral da Policía Nacional así como pola Inspectora Xefa de Monforte.
A finais de decembro de 2020, o Alcalde dera a coñecer a conclusión dos trámites entre o Concello de Monforte, o Ministerio do Interior e a Dirección Xeral da Policía, que supoñían a cesión gratuíta do inmoble municipal, coñecido como a antiga Casa de Socorro, ubicada nos números 73-77 da Avenida de Galicia, para que albergase a nova sede da Comisaría do Corpo Nacional de Policía de Monforte.
Logo desta concesión inicial de licencia de obra, dende a Dirección Xeral da Policía Nacional deberá presentarse, con carácter previo á execución de calquera tipo de obra, o correspondente Proxecto de Execución, que deberá axustarse o proxecto básico presentado. Do mesmo xeito, antes do comezo das obras, tamén se presentarán os oficios de nomeamento da dirección de obra e da dirección de execución material das obras.
O orzamento de contrata desta reforma ascende a 3.369.509,99 euros. •
A construción da nova Comisaría da Policía de Monforte xa ten licencia
Últimas noticias sobre INFRAESTRUCTURAS
A Xunta de Galicia aprobou a implantación de 12 polos creativos e a execución de 12
Dende o 21 de xullo, a pasarela do Malecón de Monforte está cortada ao tráfico de
• Mentres desde o PSdeG pregúntanse «onde está o PP para pedir que a Xunta actúe
• Logo do preacordo que vén de firmar con FCC Aqualia S.A. para executar as obras
• A orden foi decretada polo Alcalde José Tomé Roca, para garantir á seguridade durante os
