A Deputación remata as obras de mellora en 3,5 quilómetros da estrada entre Monforte e Currelos

• O organismo provincial investiu máis de 133.000 euros nestes traballos, realizados pola empresa Fevisa

A Deputación de Lugo vén de acometer o arranxo dun total de 3,5 quilómetros da estrada LU-P-3202 do punto quilométrico 6,9 ao 10,4, que comunica Monforte de Lemos co núcleo de Currelos, no municipio do Saviñao. Como lembrou o presidente do organismo provincial, José Tomé Roca, na visita a este vial para supervisar os traballos, o proxecto global para esta importante vía de comunicación supuxo un investimento de máis de 600.000 euros.
PROXECTO DE
MELLORA EN
TRES FASES
O organismo provincial destinou 133.100 euros para acondicionar un treito de 3,5 quilómetros. Unha actuación que completa o arranxo da vía que se levou a cabo dende o punto quilométrico 2,6 ata o 6,9, cun orzamento total de preto de 240.000 euros.
RENOVACIÓN
COMPLETA DO VIAL
O último proxecto, aínda en marcha, que acomete a empresa Fevisa Vías e Obras, inclúe a limpeza de cunetas nos 24 quilómetros de vía, coa retirada da vexetación localizada e a reapertura das gabias. Esta operación permite mellorar a visibilidade, reducir o risco de incendios forestais, e facilitar a eliminación das augas pluviais en caso de chuvia. Tamén se levan a cabo os labores de acondicionamento do firme propiamente dito, mediante a aplicación dunha capa de mestura bituminosa en quente. Coa maquinaria precisa, a nova superficie quedou asentada e equilibrada para garantir unha boa adherencia en circulación e evitar riscos para os vehículos.
Os traballos completaranse co pintado, con pintura branca reflectante, dos correspondentes sinais horizontais e verticais.
MELLORA PARA UNHA ESTRADA MÁIS SEGURA E RENOVADA
Durante a súa visita para supervisar as obras, o presidente da Deputación, José Tomé Roca, destacou a importancia deste tipo de investimentos, xa que as obras acometidas na LU-P-3202 terán «unha importante repercusión na mellora da seguridade viaria e na comodidade dos condutores». Tomé Roca argumentou que esta é «unha ruta moi utilizada por veciños e veciñas tanto de Monforte de Lemos como do Saviñao».
O titular da Deputación lembrou tamén que as melloras na rede viaria provincial son «unha das liñas de actuación prioritarias deste Goberno, á que dedicamos este ano 17,3 millóns de euros». •

Deixa unha resposta

Your email address will not be published.

Nova Anterior

Vari Caramés

Seguinte Nova

Monforte e San Fiz do Asma en Chantada, celebraron as súas Festas de San Antonio

Últimas noticias sobre INFRAESTRUCTURAS

A %d blogueros les gusta esto: