Houbo un tempo, non tan afastado, en que aínda que vostedes non o crean, o Club Fluvial de Monforte era a referencia como club social e deportivo, con cifras de socios e abonados hoxe totalmente impensables. Eran outros tempos, pero a nova directiva que agora preside esta histórica sociedade recreativa monfortina non se resiste a que esta decadencia continue. Este novo equipo presidido por Jaime Vázquez, vén de presentar unha das súas principais novidades, a nova praia fluvial nas beiras do Cabe ao seu paso polo Club.
Pero non só iso. Notouse un cambio na vocación do Club Fluvial, cambiou a súa mensaxe, renovouse. Pode comprobarse achegándose ás súas redes sociais, ben sexa facebook ou instagram. Hai unha mensaxe positiva que tanto fai falta. Están a lanzar campañas para captación de novos abonados, renovaron os servizos de cafetería, arranxaron as instalacións, reforzaron a súa oferta de curso e campamentos de verán, dan facilidades para pagar a cota de entrada e non se cantas cousas máis. É interesante ver como en ocasións os cambios sempre xeran dinamización. Algo así xa vimos no agora chamado Ateneo Casino. Oxalá a xente responda a esta iniciativa, e o Club Fluvial volva polos seus foros. Ademais a calor aperta, e en Monforte, agora, hai praia.•
Últimas noticias sobre PORTADA
O Alcalde de Monforte, José Tomé Roca, anunciou unha excelente nova para a cidade: o Ministerio
A Feira do Viño de Chantada foi un auténtico éxito, moita animación, caras coñecidas, boa organización
O Alcalde José Tomé Roca, anuncia que “xa poderemos solicitar a declaración de Feira de Interese
O alcalde de Sober, Luis Fernández Guitián, presentou no miradoiro de Pena do Conde, na Barca,
Populares e Socialistas acúsanse mutuamente de ser os responsables desta situación, mentres o Craega xa aprobou