• O mestre do desenfoque do cotidiano, vén de impartir un taller fotográfico no Sacra Forma 2022 no lugar de Pincelo
Sacra Forma e Sacra Experience seguen traendo algunhas das propostas culturais e musicais máis interesantes dentro da ampla oferta estival na Ribeira Sacra. E de entre todas, quixemos poñer o foco, nunca mellor dito, sobre o fotógrafo ferrolán Vari Caramés, quen impartiu un taller a pasada semana no lugar de Pincelo. Unha figura crucial que viña de expoñer con gran éxito en Madrid na Canle de Isabel II baixo o título de «Algo, nada, sempre», exposición que aínda que non se concibiu como unha retrospectiva si recollía a maior parte da súa produción desde os oitenta e, desde logo, o seu espírito: a emoción, a sinxeleza e a conxunción dunha mirada cara ao exterior e cara ao interior. E o seu máxigo desenfoque •
