Dende o PP critican que non se poña en marcha unha liña de tren matinal entre Lugo e Ourense

O PP lucense denuncia que “o Goberno central se nega a poñer en marcha unha liña de tren matinal para conectar Lugo con Ourense” e que, polo tanto, “permita aos viaxeiros procedentes da nosa provincia coller o primeiro ou o segundo tren Ave da mañá con destino a Madrid”. Así o manifestan os senadores José Manuel Barreiro, Rosa Arza e Manuel Varela que pedirán explicacións na Cámara Alta dos motivos polos que “o Goberno central suma un novo agravio aos lucenses desconectándonos totalmente do resto de Galicia e de España con esta carencia de infraestruturas e comunicacións”. Lamentan “este novo prexuízo por parte do Goberno de Pedro Sánchez en relación ás comunicacións ferroviarias da nosa provincia co resto do país”. E condenan que “trate de ampararse en criterios economicistas e nunha suposta falta de demanda” baseada en que os actuais servizos entre Lugo e Ourense a primeira hora da mañá -realizados en autobús- non cobren as prazas. “O Goberno socialista impide aos lucenses chegar a Madrid antes da unha e media do mediodía e, obriga a pernoctar na capital aos que precisan facer xestións pola mañá”, segundo manifesta Rosa Arza.

Son catro as liñas diarias entre Lugo e Madrid na actualidade, sendo unicamente unha a que permite o acceso á alta velocidade. Así mesmo, só unha das liñas entre Lugo e Madrid é directa, precisando as outras tres transbordo en Ourense -unha das cales esixe unha espera dunha hora enteira na estación ourensá-.
Os senadores advirten de que “a alta velocidade non chegou á nosa provincia” e preguntan ao Goberno central se realmente cren que os lucenses dispoñemos deste servizo “tendo en conta que só podemos facer uso dunha liña de Ourense a Madrid que, ademais, implica un transbordo”.•

Deixa unha resposta

Your email address will not be published.

Nova Anterior

A Deputación de Lugo reclama á Xunta que conceda canto antes axudas as ganderías para paliar o impacto da guerra

Seguinte Nova

O BNG saca adiante unha moción na que reclama unha mellora nas condicións laborais dos traballadores do Servizo de Axuda no Fogar

Últimas noticias sobre POLÍTICA LOCAL

A %d blogueros les gusta esto: