Pechada a ponte sobre o Cabe en Piñeira

• A orden foi decretada polo Alcalde José Tomé Roca, para garantir á seguridade durante os traballos de reparación contratados por vía de urxencia á empresa Extraco

Dende que se detectou a deficiencia nun dos pilares da ponte de Piñeira, o Concello de Monforte movilizouse rápidamente para atopar unha pronta solución para unha infraestrutura básica para os veciños. Deste xeito, o propio día 29 de xuño O Alcalde, José Tomé Roca, informou da decisión de “ordenar, de forma inmediata, a contratación por emerxencia da reparación do piar e da revisión da ponte sobre o Cabe en Piñeira”. Esta decisión foi adoptada, vistos os informes emitidos polo inspector xefe da Policía Local da Policía Local e pola Arquitecta municipa nos que indícase que tal deficiencia afecta a “unha das pilas da ponte, que se afundiu polo lado norte, perdendo o contacto coa plataforma da ponte nos puntos en que apoiaba, dando lugar a que a luz do vano onde se situaba dita pila se duplicouse, polo que se prexudica considerablemente a súa resistencia”.
“Detectada a deficiencia, e acordo co establecido no artigo 120 da Lei 9/2017 de Contratos do Sector Público”, sinala o Alcalde, ”dende o Concello procedemos de forma inmediata á tramitación de emerxencia das obras de aseguramento desta ponte e proceder á contratación das obras de reparación desta deficiencia á empresa Extraco, S.A.” “Do mesmo xeito, tamén lle indicamos á empresa Extraco que leve a cabo unha revisión do estado xeral desta ponte sobre o río Cabe na parroquia de Piñeira co obxecto de determinar a necesidade de outras reparacións co obxecto de garantir a súa seguridade”. No informe presentado con data de 30 de xuño pola empresa EXTRACO SA, sinálase que é necesario “proceder urxentemente a ordenar o corte total do tráfico peonil e rodado sobre a estrada que transita pola ponte sobre o río Cabe na parroquia de Piñeira”, motivo polo que O Alcalde de Monforte, José Tomé Roca, vén de decretar o corte total do tráfico na ponte, co obxecto de garantir as debidas condicións de seguridade, tanto para a reparación da deficiencia que afecta a un dos seus piares, como para os vehículos e persoas que transitan sobre a mesma. Do mesmo xeito, a Policía Local procedeu a cortar xa o tráfico da ponte e a reestructurar o tráfico alternativo, mentres duren os traballos de reparación do piar e de revisión da ponte. O Alcalde lembrou que “xa no ano 2001 os veciños da parroquia queixáronse en relación co estado da ponte e instaban ao concello a revisar as zapatas.•