• Cunha interesante tertulia na que participaron Olga Novo, Celia Díaz e Eva Teixeiro
Quiroga vén de acoller unha das etapas da segunda edición do Camiño Creativo 2022, que organizado pola asociación España Creativa. ten como late motiv impulsar a creatividade, o talento e a innovación co fin de potenciar o emprego e autoemprego a través do emprendemento no marco do Xacobeo 2021.2022. Camíñase un día e ao día seguinte os participantes quédanse nos pobos de cada etapa para escribir o proxecto, coñecer o lugar, e asistir a talleres, charlas experienciales, sesións de networking e visitas culturais. Nesta ocasión, Quiroga foi a sede da fin da cuarta etapa, e o lugar elexido para impartir un Taller sobre Desarrollo funcional (I): Dirección de Recursos Humanos y Organización, a cargo de Elba Pedrosa, especialista en creatividade, escritora, actriz e comunicadora.
Despois desenvolvíase un café encontro con profesionais e casos de éxito no mundo da literatura e a editorial, aberto a todos os interesados, para rematar cunha mesa redonda. O alcalde de Quiroga, Julio Álvarez, foi o encargado de dar a benvida a todos os asistentes e tamén de agradecer a participación sobre todo das escritoras Celia Díaz, Eva Teixeiro e Olga Novo, ás que se dirixiu especialmente.
A filla adoptiva de Quiroga, Celia Díaz, autora de “Quiroga territorio literario” falou de todos os escritores vinculados con Quiroga a través dos tempos, facendo referencia a todas aquelas persoas que dalgunha maneira e nalgún momento recopilaron información que despois transmitiron tanto a través de libros como de prensa ou de medios dixitais.
A profesora Eva Teixeiro, que exerceu a docencia no IES de Quiroga durante varios anos, escribiu “La experiencia de la ruta de Manuel María y los Sonetos ao Val de Quiroga”. Deste libro foi do que falou na súa intervención.
O encontro literario remataba coa intervención de Olga Novo, premio Nacional de Poesía 2020 que ademais de falar sobre o valor da poesía no contexto actual, tamén lía algúns dos seus poemas. •
