As festas de agosto de Monforte xa teñen cartel e pregoeira

Acércase o mes de agosto e con él chegan un ano máis as festas patronais de Monforte, un dos principais referentes festivos do sur de Lugo, e que tratarán de acadar á normalidade, logo destes dous anos marcados pola pandemia. Unhas festas que xa teñen cartel e pregoeira. No que respecta ao cartel, a presentación do deseño que se alzou coa vixésimo sétima edición do concurso de carteis, tivo lugar nun acto no que o Alcalde estivo acompañado polo autor gañador, que foi César Núñez Álvarez, procedente do concello leonés de Astorga, coa obra “Identidade”. O Alcalde explicou que “dende este Equipo de Goberno, cando convocamos o concurso para as Festas Patronais pensamos que o mellor é permitir a participación a calquera persoa que tivera interese en contribuír a divulgar as nosas festas a través da súa capacidade artística. Porque desta forma temos unha maior aportación e variedade de ideas”.
Neste senso, José Tomé recordou que “este concurso para seleccionar o cartel das Festas Patronais é unha actuación que recuperamos en 2015, e que, a pesar da pandemia da Covid-19 seguimos convocando e fallando, tanto no ano 2020 como no ano 2021, porque era unha maneira de manter vivas as Festas, co cartel e cos Fogos do día 15”.
Deste xeito, dende o Concello establécese todos os anos un premio de 1.000 euros para o cartel gañador, “unha cantidade coa que retribuír o esforzo, o traballo e a dedicación da persoa que resultara gañadora”. En total, ó concurso deste ano presentáronse 18 traballos artísticos. A maioría deles foron elaborados por veciños e veciñas de Monforte; en concreto foron 8 os traballos a cargo de artistas monfortinos. Todos os carteis que se presentaron a concurso, as 18 obras, serán expostos do 18 de xullo ó 16 de agosto na casa da Cultura de Monforte.

PREGOEIRA
Por outra banda, o Alcalde tamén presentou a que será a Pregoeira das Festas Patronais de 2022. Trátase da monfortina Margarita Rodríguez Otero.
O Alcalde xustifica a súa elección en que “é unha figura moi importante na historia recente de Monforte, e ademais creo que é unha persoa moi querida polos monfortinos e monfortinas, e estou seguro de que contribuirá co seu pregón a que moitos se animen a achegarse ata Monforte a disfrutar das nosas Festas”.
Margarita Rodríguez Otero naceu en Monforte de Lemos en 1934. É Graduada Social e Técnica superior en Relacións Industriais pola Universidade de Alcalá de Henares. En decembro de 2006 foi nomeada Cronista Oficial de Monforte de Lemos.
Dedicou boa parte da súa vida á política, que inicia en 1979 coas primeiras eleccións democráticas, como candidata do PSdeG-PSOE á Alcaldía do Concello monfortino. Foi concelleira, Deputada provincial, sendo a primeira muller en acadar este cargo en toda Galicia, e Deputada autonómica. Unha vez xubiladadedícase de cheo á investigación histórica, a súa gran paixón.•

Deixa unha resposta

Your email address will not be published.

Nova Anterior

Os Guímaros de Brollón rebélanse de novo contra o Conde de Lemos

Seguinte Nova

A portavoz nacional do BNG, Ana Pontón, visita en Chantada proxectos empresariais innovadores

Últimas noticias sobre PORTADA

A %d blogueros les gusta esto: