Dous anos despois, o viño foi o gran protagonista nunha das edicións máis concurridas
Logo de dous anos de ausencia pola pandemia, volvía o Paseo do Malecón de Monforte a encherse de xente na cuarta edición do Festival do Viño da Ribeira Sacra. Como destacou José Tomé Roca, no acto inaugural, “tras dous anos marcados pola pandemia, volve o Festival do Viño, e así podemos volver a reunirnos neste fermoso Paseo do Malecón de Monforte cun obxectivo común, promocionar os nosos viños da Ribeira Sacra” e recordando que o Festival do Viño foi unha “iniciativa municipal que botou a andar en 2017 en colaboración coa Denominación de Orixe da Ribeira Sacra, cunha clara vocación de consolidarse no tempo”.
O Alcalde monfortino non se esqueceu dos verdadeiros protagonistas do evento: “quero dar un agradecemento especial ós 27 adegueiros que están hoxe aquí presentes neste Festival. Polo seu compromiso, polo seu esforzo e pola súa colaboración, porque gracias á súa xenerosidade imos poder disfrutar dun evento que proxecta a calidade e a excelencia dos nosos viños nun mercado moi amplo e que fai de reclamo para a comarca de Lemos e para a Ribeira Sacra, como a min me gusta dicir, un anaco do Paraíso no interior de Galicia.” .•
