Os Centros de Información á Muller do Sur de Lugo, reciben máis de 221.000 € en axudas para impulsar programas de igualdade

A secretaria xeral da Igualdade, Susana López Abella, e o delegado territorial de Lugo, Javier Arias (Foto: GCXG)

A Xunta investirá este ano máis de 221.000 euros nas axudas dirixidas a apoiar os catro Centros de Información á Muller (CIM) do Sur de Lugo e os programas municipais desta área destinados a promover a igualdade, previr e tratar a violencia de xénero e fomentar a conciliación da vida persoal, laboral e familiar.
A secretaria xeral da Igualdade, Susana López Abella, e o delegado territorial da Xunta en Lugo, Javier Arias, informaron da resolución da orde de axudas a entidades locais para fomentar accións neste eido.
A maior contía vai destinada a financiar a actividade dos CIMs da Zona Sur, que reciben 201.600 euros da Consellería de Promoción do Emprego e Igualdade para manter os postos de traballo con funcións de dirección, atención psicolóxica, axentes de igualdade ou de fomento do traballo en rede e de dinamización do territorio con enfoque de xénero.
Ambos responsables autonómicos explicaron que os catro centros de información á muller desta área dan cobertura a 17 concellos. Así, o CIM de Chantada cobre Carballedo e Taboada; o de Monforte de Lemos dá servizo a Bóveda, Pantón, A Pobra do Brollón, O Saviñao e Sober, o de Quiroga a Ribas de Sil e Folgoso do Courel e o de Sarria a Láncara, O Páramo, Paradela e Samos.
Outra das liñas destina 19.250 euros a sufragar os programas de fomento da conciliación impulsados polas administracións municipais de Sober e Bóveda•

Deixa unha resposta

Your email address will not be published.

Enquisas

ESTÁ CONFORME CO PROXECTO PARA CONSTRUÍR UNHA NOVA PONTE DE FERRO NO MALECÓN EN SUBSTITUCIÓN DA PASARELA PEONIL ACTUAL?

Cargando ... Cargando ...

Resumen mensual de noticias

Nova Anterior

VI Ruta Xacobea Yakart Camino de Santiago

Seguinte Nova

Reordenación do estacionamento no entorno de Centro de Saude

Últimas noticias sobre INICIATIVAS

Ir aInicio

Don't Miss