A Asociación Veciñal do Saviñao solicita a sinalización e mellora do acceso ao dolmen da Leira Rapada

Imaxe do dolmen da Leira Rapada, no municipio de O Saviñao. Foto Asociación Veciñal do Saviñao

O pasado 19 de xullo, os representantes da Asociación Veciñal do Saviñao entregaron no Concello un escrito no que solicitan unha serie de medidas para a mellora da contorna do dolmen da Leira Rapada. En concreto, o colectivo veciñal reclama ao Consistorio a sinalización do acceso a este enclave megalítico, tanto por estrada como polo camiño natural, cuxa limpeza tamén demandan neste documento. Por último, a Asociación pide a colocación dun panel informativo que amose as gravuras petroglíficas existentes na tapa do dolmen. Para a elaboración deste panel, a propia Asociación presentou un calco destas figuras que lles fora doado no seu momento.
Dende este colectivo veciñal, explican que o conxunto de demandas presentado ao Concello do Saviñao busca “poñer en valor o patrimonio arqueolóxico visible e contribuír a potenciar o turismo cultural”.
No escrito, a Asociación Veciñal do Saviñao lembra que todos os concellos do sur de Lugo están a levar a cabo diversas iniciativas para dar a coñecer os seus patrimonios culturais, científicos ou paisaxísticos. O colectivo salientou tamén que o municipio conta cun “tesouro por descubrir, que é o Neolítico, con 56 mámoas catalogadas que deberían ser estudadas”. •

Deixa unha resposta

Your email address will not be published.

Nova Anterior

Presentan o Plan de Sostibilidade Turística da Ribeira Sacra

Seguinte Nova

Despídese de Chantada a mostra sobre a figura de Florencio Delgado Gurriarán

Últimas noticias sobre ASOCIACIONISMO

A %d blogueros les gusta esto: