Os obxectivos dos socialistas de Lugo son consolidar e gañar alcaldías, e manter a Deputación

• José Tomé Roca acusou ao PP de non ter nin unha soa idea para a provincia

O Secretario Xeral dos socilistas lucenses, durante o seu discurso ante o Comité provincial .
(Foto GCPSdeG).

PSdeG na provincia rematou o proceso de renovación dos órganos do partido coa constitución do Comité Provincial, no que o Secretario Xeral, José Tomé Roca, marcou uns “obxectivos realistas e ambiciosos”, de cara ás eleccións municipais do 2023. O líder socialista incidiu na súa intervención diante dos militantes que estes obxectivos, “pasan por acadar representación municipal en tódolos concellos da provincia, manter e reforzar as alcaldías actuais, sumar outras novas, manter e mellorar os resultados onde o partido non goberna e asegurar a continuidade dun Goberno de esquerdas e presidido por socialistas na Deputación de Lugo”. Para iso, explicou, está desenvolvendo un traballo estratéxico, planificado, coordinado, en equipo, en todos os concellos e partidos xudiciais, sobre o terreo, nas agrupacións, nos concellos, co tecido asociativo, para informar e para ser informados, ata chegar a maio de 2023 nas mellores condición e acadar os mellores resultados.

TRANSFORMAR A
ECONOMÍA E PROTEXER A MAIORÍA SOCIAL
O Secretario Xeral puxo en valor as medidas do Goberno de Pedro Sánchez. “Nada nos pode ser indiferente aos socialistas, estamos obrigados a tomar decisións, valentes e ambiciosas. Sabemos ben quen somos e que queremos, por iso coma sempre, as nosas prioridades son os traballadores e as clases sociais mais desfavorecidas”. Considera José Tomé Roca que nestes intres, o Goberno de Pedro Sánchez está gobernando para superar esta situación, e ao mesmo tempo para transformar a economía e protexer a maioría social do país. “E faino a través de medidas como as bonificacións de combustibles ou a rebaixa do IVE no consumo eléctrico, ou a recuperación do poder adquisitivo das pensións, coa suba dun 15% para as non contributivas, e a subida do Ingreso Mínimo Vital. E tamén coas axudas aos autónomos, parados, gandeiros, agricultores así como para os sectores da pesca ou o transporte”. Ademais diso, “aprobamos un novo imposto para as entidades bancarias e as grandes empresas enerxéticas. Becas complementarias, medidas para a limitación nos alugueres. E promovemos a reforma laboral a pesar da crise económica e enerxética para a creación e o mantemento do emprego, con iniciativas como a suba histórica no Salario Mínimo Interprofesional que pasou do 775 euros co PP, aos 1.000 euros actuais”.
O Secretario Xeral na provincia aludiu ao traballo que se está impulsando dende a Deputación de Lugo para responder ás necesidades da provincia. “Unha política de feitos e realidades afastadas dos xestos populistas do PP. Por unha banda, recuperamos a normalidade institucional, e estamos traballando cun bo ritmo de traballo elevado e constante”.

PRIORIDADE DAS POLÍTICAS SOCIAIS,
Remarcou que as políticas sociais son as prioritarias na súa folla de ruta “ás que lles adicamos máis dun tercio do orzamento. Outra clave segue sendo a cooperación cos concellos para que poidan ofrecer máis e mellores servizos, así como o apoio incondicional aos sectores produtivos da nosa provincia. E sen esquecer mellorar as nosas vías de comunicación, que son un factor esencial para mellorar a vida da xente, fixar poboación e dinamizar a economía e o emprego e facer competitivo ao territorio”.
Tomé Roca acusou ao PP de non ter nin unha soa idea para a provincia. “Están completamente alonxados da realidade desta provincia, das prioridades dos concellos e das demandas da veciñanza. E o que é máis grave, calan ante os recortes médicos, ante o peche dos centros educativos e ante o desmantelamento da nosa industria”, replicou. •

Deixa unha resposta

Your email address will not be published.

Nova Anterior

Despídese de Chantada a mostra sobre a figura de Florencio Delgado Gurriarán

Seguinte Nova

Convenio entre Correos e Mancomunidade do Camiño Francés para promover os produtos da zona

Últimas noticias sobre POLÍTICA LOCAL

A %d blogueros les gusta esto: