Rueda anuncia axudas directas para os damnificados polos incendios forestais

• Os socialistas solidarizanse cos afectados pola vaga de incendios e recoñecen a labor de tódolos efectivos implicados, e Pontón propón que se declare zona catastrófica o conxunto das áreas queimadas

A clase política e dirixente non foi allea ao drama que se viviu nos últimos días polos incendios forestais. Ademais do presidente da Xunta, Alfonso Rueda que se desprazou ata o centro de control na Pobra do Brollón, tamén seguiu de preto a evolución dos incendios o presidente do goberno central Pedro Sánchez e ata a zona afectada tamén se achego Ana Pontón, portavoz nacional do BNG tamén quixo coñecer de primeira man a situación.
Ademais, as medidas e demandas das diferentes forzas políticas non se fixeron esperar. O presidente da Xunta, Alfonso Rueda, informou que o Goberno galego habilitará axudas para os damnificados. “Hoxe aprobamos o decreto que permite iniciar todo o proceso administrativo para convocar axudas directas aos afectados polos lumes”, explicou Rueda. As axudas contemplan os danos persoais sufridos, no seu caso, así como os causados en vivendas e enxoval domésticos e tamén en instalacións complementarias. En concreto, en caso de vivenda habitual, concederase o 100% do custo da reposición ou reparación, tanto do edificio principal como das instalacións complementarias, cun máximo de 122.400 euros. Se era unha vivenda non permanente nin habitual, concederase cun máximo -neste caso- de 61.200 euros. Pola súa banda, desde o BNG demandan que as axudas para as familias cubran o 100% dos custes de recuperación da vivenda, “nin un euro menos” e solicitan a implicación de todas as administracións e a declaración de zona catastrófica ante un desastre ambiental, económico e social. Tamén denuncian a falta de medios e defenden un servizo de extinción e prevención totalmente público, profesionalizado e operativo os 365 días do ano.
E no PSdeG, . “Os socialistas lucenses queremos amosar a nosa profunda preocupación e tristeza por mor da vaga de incendios que sofre a nosa provincia, e queremos manifestar a nosa solidariedade, o noso afecto, e por suposto o apoio incondicional aos todos os veciños e veciñas afectados por estes lumes”. Así o dixo hoxe a Secretaria de Organización Provincial do PSdeG, Pilar García Porto, quen remarcou que nestes intres “a prioridade é salvar vidas e apagar os incendios que asolan a zona sur da provincia”.
Tamén quixo destacar a colaboración da Deputación de Lugo nas tarefas de extinción e denunciou as que considera evidentes deficiencias evidentes na prevención e na planificación dos incendios da nosa comunidade. Ao efecto sinalou que o PLADIGA (Plan de Prevención e Defensa contra los Incendios Forestais de Galicia 2022) foi aprobado o 26 de xuño. É dicir fai menos dun mes. •

Deixa unha resposta

Your email address will not be published.

Nova Anterior

Novo éxito dos padeeiros do Quxós

Seguinte Nova

Presentan o programa das Festas Patronais de Monforte de Lemos

Últimas noticias sobre MEDIO AMBIENTE

A %d blogueros les gusta esto: