A finais de agosto, o Concello de Bóveda adxudicou á empresa Sport Equipalia SLU o contrato de obras de execución dunha pista multideporte no centro educativo CEIP Plurilingüe Rosalía de Castro, por un importe de 79.858 euros. O prazo de execución é de dous meses.
Segundo informaron dende o Concello, a obra conta cunha subvención da Xunta destinada a entidades locais para actuacións de adecuación das pistas multideportes nos centros de educación infantil e primaria e nos centros públicos non universitarios. A subvención supón o 85% do custo total das obras.
A instalación proxéctase dentro do recinto educativo, nunha superficie verde moi ampla onde os escolares saen a xogar en horario lectivo.
O proxecto enmárcase dentro do obxectivo do Concello de Bóveda de mellorar as instalacións deportivas de cara a promover unha vida saudable entre o alumnado e outros posibles usuarios do municipio. Así, preténdese converter ao colexio nun espazo polifuncional para practicar alomenos cinco deportes, cun uso polivalente dentro e fóra do horario escolar. (Infografía: GPCB)•
Últimas noticias sobre EDUCACIÓN
A deputada de Cultura Iria Castro instou os centros de ensino a participar na terceira edición
A vicevoceira do Grupo Parlamentario Popular, Raquel Arias, e o alcalde de Sober, Luis Fernández Guitián,
O alcalde de Sober, Luis Fernández Guitián, e a concelleira Raquel Arias, reuníronse con membros da
A directora xeral de Relacións Laborais, Elena Mancha, e a directora xeral de Ordenación e Innovación
O conselleiro de Cultura, Educación, FP e Universidades da Xunta de Galicia, Román Rodríguez, presentou esta