Expostos en San Marcos os retratos dos tres últimos expresidentes da Deputación de Lugo

De esquerda a dereita, retratos de José Ramón Gómez Besteiro, Elena Candia e Darío Campos. GPDL

A sede da Deputación de Lugo expón dende finais de agosto os retratos dos tres últimos expresidentes do organismo provincial. O corredor que dá acceso ao salón de Plenos desta institución acolle os retratos de José Ramón Gómez Besteiro, Elena Candia López e Darío Campos Conde, realizados polo pintor monfortino Roberto González.
A incorporación destes cadros foi iniciativa do actual presidente, José Tomé Roca, dando continuidade á serie de media ducia de retratos dos mandatarios provinciais. Cada unha destas pezas pictóricas leva engadida unha placa informativa co nome completo dos presidentes provinciais, a data do seu mandato e o nome do autor da obra.
A serie arranca co retrato de José Benito Pardo Rodríguez, que estivo en tres períodos entre 1901 e 1931; para continuar cos correspondentes a Francisco Plácido Donapetry Iribarnegaray, que estivo entre 1927 e 1929; José Sánchez Gacio, que ocupou o cargo entre 1932 e 1934; e Octavio García Fernández, que estivo ata 1936. Xa na democracia, figuran os retratos de Luís Cordeiro Rodríguez, que estivo na presidencia da Deputación entre os anos 1979 e 1983; e Francisco Cacharro Pardo, do 1983 ao 2007.•

Deixa unha resposta

Your email address will not be published.

Nova Anterior

Disfrutar da comida e das vistas do río desde o Restaurante da Maiorga

Seguinte Nova

Rocío Caamaño en concerto

Últimas noticias sobre SOCIEDAD

A %d blogueros les gusta esto: