O 15 de setembro é a data recomendada para o comezo oficial da vendima na Ribeira Sacra

As adegas xa están preparándose para levar a cabo os traballos de vendimia . Foto ADEGAS MOURE..

O pleno do Consello Regulador da D.O. Ribeira Sacra reuníase a última hora do pasado 31 de agosto para decidir a data recomendada para o inicio xeneralizado da vendima na Denominación de Orixe.
Os resultados dos controis de maduración nas viñas, que desenvolveu o equipo técnico do Consello Regulador da Denominación de Orixe durante os días previos, permitiron determinar o estado da uva e definir a data oficial para o inicio da vendima nesta campaña. Estes controis de maduración na D.O. Ribeira Sacra fixéronse en parcelas representativas das cinco subzonas da D.O. (Amandi, Chantada, Ribeiras do Sil, Ribeiras do Miño e Quiroga-Bibei) e con todas as variedades de uva acollidas á mesma.
Sen perxuízo de que algunha adega poida comezar a recollida de uva con anterioridade se as súas uvas teñen as condicións adecuadas, á vista da información obtida, o pleno do Consello Regulador decidiu como data oficial para esta campaña, o 15 de setembro, prolongándose previsiblemente a recollida da uva ata outubro.
Cos datos que manexa o C.R.D.O. Ribeira Saca, espérase poder chegar ao redor dos 6 millóns de quilos de uva. Cabe lembrar que o pasado ano a data oficial de inicio tamén foi o 15 de setembro e finalizaba a vendima o 20 de outubro.

PENDENTES DA CLIMATOLOXÍA
Nas últimas semanas de agosto algunha adega realizou traballos puntuais de vendima, tendo recolleitos ata ese momento case 11.000 quilos de uva, principalmente Godello con 8.141 quilos. Séguenlle: Merenzao, 1.429 quilos e Albariño, 1.285 quilos.
Durante os próximos días, viticultores e adegueiros, estarán pendentes da climatoloxía para decidir como planean a súa vendima. •

Deixa unha resposta

Your email address will not be published.

Nova Anterior

A Deputación adxudicou por máis de 170.000 euros parte do equipamento da residencia de Ribas de Sil

Seguinte Nova

Os viños galegos con denominación de orixe son os que máis incrementaron no 2021 o seu valor a nivel nacional na alimentación e na hostalería

Últimas noticias sobre VITICULTURA

A %d blogueros les gusta esto: