A sección sindical de CIG-Saúde no Hospital de Monforte denuncia o comportamento do Concello pola implantación dun quitamedos na Rúa Das Codesas, na parte posterior do Hospital. Según o representante de CIG Saúde Vicente Vázquez, no ano 2013 instalase unha caldeira de biomasa no Hospital de Monforte co fin de reducir o consumo e as facturas de electricidade, e desde ese ano viña descargando un camión de pelets periódicamente, na traseira do Hospital. «É decir, este camión levaba descargando aquí nove anos, sen ningún tipo de problema e conseguindo un gran aforro para o hospital», sinala Vicente Vázquez. Continúa o representante de CIG-Saúde, que neste ano 2022 o H.P de Monforte pide permiso ao Concello para facer unhas obras de mellora na súa parte posterior co fin de ter unha entrada por esa zona. O permiso é concedido, pero cando o Hospital pide permiso de paso, este é denegado e obríganlle ao hospital a pechar a zona onde se realizaron as obras. O hospital acata a decisión e pecha a parte datrás. Denuncia CIG-Saúde, que «non contento con esto, en xuño deste ano aparece un quitamedos posto polo Concello para evitar que o camión que levaba descargando 9 anos noutra entrada, non poda seguir facendo o seu labor. Hai que decir que por aquí pasa unha canaleta que está en desuso (de feito está derrubada a maior parte dela preto da calle Corredoira que é onde remata a Rúa das Codesas). Pois ben, parece ser que esta canaleta é o que lle serve o Concello de excusa para poñer o debandito quitamedos, excusándose en que é a Confederación Hidrográfica a que non deixa». Según CIG -Saúde, esta situación fixo que o hospital tivera que botar en agosto 35.000 litros de gasoil que ao precio que vai supuxo unha inversión de máis de 35.000 euros. «Lembramos que estes cartos son de todos e que se poderían empregar en outras cousas máis necesarias e que de seguir así nin nos queremos imaxinar o custo o final do ano», sinala Vicente Vázquez.
Dende CIG-Saúde reiteran a sua petición para manter unha reunión entre o Concello, a Confederación hidrográfica e o SERGAS para que encontrar unha solución na maior brevidade posíbel.•
Cargando ...
