O Concello de Sober, en colaboración coas Xuventudes Musicais de Sober, botou a andar o sábado pasado o programa Música no Outono cun concerto da acordeonista Marta Cubas. Este concerto recolleu obras de diferentes estilos, embarcándonos nunha viaxe espazo-temporal que comezaba en Nápoles ao redor do 1700 e finalizaba en Nova York no S.XXI, percorrendo épocas que ían desde o Barroco ata o Contemporáneo.
Nesta travesía, o público asistente puido gozar do virtuosismo da intérprete e tamén da evolución nas técnicas compositivas e como se vai xerando unha necesidade de innovación a través dos recursos sonoros dos instrumentos.•
Cargando ...
