No marco do Día Internacional da Muller Rural, a Asociación Albores promove, xunto coa Fundación Mujeres, unha serie de obradoiros para mulleres coidadoras.
O programa vai dirixido a dous colectivos: mulleres coidadoras con problemas de saúde mental e mulleres coidadoras de persoas con enfermidade mental.
Con este ciclo preténdese facer máis accesibles as novas tecnoloxías a un colectivo de mulleres especialmente afectado pola fenda dixital, as mulleres rurais do colectivo de familiares e persoas con problemas de saúde mental.
Dende a Asociación Albores, queren destacar que as mulleres do Lugo sur rural con enfermidade mental grave (principalmente esquizofrenia e trastorno bipolar) viven unha situación oposta á dos homes. A miudo son as responsables das tarefas domésticas e de coidados do resto da familia, quedando nun segundo plano o seu propio autocoidado. Pola contra, cando quen ten enfermidade mental grave é home, a familia non lle pide que se faga cargo de tarefas. O recoñecemento das capacidades destas mulleres é positivo en tanto en canto a familia valora a súa aportación, mais por outro lado perxudícaas porque non lles deixa tempo para desenvolvan o seu proxecto laboral e de vida. Tamén resaltan que no noso entorno 9 de cada 10 persoas que coidan de dependentes por enfermidade mental, seguen a ser mulleres, principalmente as nais e/ou as irmás. Ademais 2 de cada 3 destas coidadoras teñen máis de 65 anos.
Os obradoiros deron comenzo o18 de outubro e rematarán o 8 de novembro. Serán desenvolvidos os martes en horario de 10:30-12:30 e contan coa colaboración do Concello de Monforte que cedeu as súas instalacións da aula Cemit do Edificio Multiusos.
Aínda que actualmente están cubertas as prazas, ass interesadas en asistir a novas convocatorias poden preinscribirse no teléfono 982 404 968 (Asociación Albores).•
Cargando ...
