O Alcalde de Monforte, José Tomé Roca, vén de informar da marcha dos traballos de construción do novo pilar da ponte de Piñeira, que avanzan segundo o previsto, logo de que se iniciaran os mesmos no mes de setembro tras a conclusión dos pertinentes informes técnicos. Estase a repoñer o pilar nº2 da ponte, logo de que esta estrutura fora pechada ó tráfico e ós peatóns a finais do pasado mes de xuño, tras detectarse unha deficiencia en dito pilar. “Tras seren executados os correspondentes traballos de enxeñería a cargo da empresa Extraco e do director de obra designado polo Concello, traballos necesarios para determinar a situación do pilar da ponte e para darlle unha solución á deficiencia dectectada, levouse a cabo a colocación de micropilotes nunha profundidade de 9 metros, con cimentación para estabilizar o terreo, e nestes momentos estase a proceder á construción do novo pilar, logo da retirada do anterior,coa mesma forma dos pilares existentes”, subliñou o Alcalde. Debido a que as obras foran contratadas por emerxencia, o custe das actuacións estímase segundo os técnicos, en 2242.000 euros ive engadido.
”Unha vez estean rematadas as obras de arranxe da ponte de Piñeira”, concluíu o Alcalde, procederemos ó restablecemento do tráfico de vehículos e de persoas, previsiblemente en novembro, unha vez que estea endurecido o novo pilar”.•
Últimas noticias sobre INFRAESTRUTURAS
O presidente, José Tomé Roca, comprobou o avance dos traballos na LU-P-0901 entre os quilómetros 8,3
A Xunta de Goberno da Deputación de Lugo aprobou un novo investimento que supera os 800.000€
O alcalde de Monforte, José Tomé Roca, vén de presentar nunha rolda de prensa o anteproxecto
A Xunta de Galicia anunciou que, nas próximas semanas, iniciarán as obras de restauración do claustro