O futuro da Ribeira Sacra a debate no II Foro Think Tank de CEL e Xunta

O salón de actos do Balneario Augas Santas encheuse co II Foro Think Tank “Ribeira Sacra: aposta de futuro”, un encontro de reflexión e traballo organizado pola Confederación de Empresarios de Lugo (CEL) e a Xunta de Galicia no marco da iniciativa Conecta Lugo.
O foro, concibido como ferramenta de coñecemento e debate sobre as potencialidades económicas da zona sur da provincia, así como punto de xeración de ideas de futuro para a Ribeira Sacra, congregou a máis de setenta participantes e dividiuse en tres mesas de traballo, nas que se debateu sobre “O potencial do sector agroalimentario”, “Excelencia e sustentabilidade como camiño do turismo” ou “O viño como porta ao mundo”. O secretario da CEL, Jaime López, destacou na apertura do encontro que ademais se buscaba “achegar as axudas da Xunta ás empresas da provincia” e que na base do mesmo se atopaba “a idea de apostar pola zona rural e que se vexa o valor que ten a provincia de Lugo”. Na primeira mesa de traballo co nome “Excelencia e sustentabilidade como camiño no turismo”, participaron Nava Castro, directora da Axencia Galega de Turismo de Galicia; Luisa Rainer, xerente de O Canto da Terra; Beatriz Pérez, socia fundadora de Máis que Románico; Alexandra Seara de Consorcio de Turismo de Ribeira Sacra; Diego Rodríguez de Praia da Cova e Martín Alemparte de GDR Ribeira Sacra – Courel. Os relatores desta mesa coincidiron en destacar a necesidade de elevar o estándar da oferta e do turista para mellorar a excelencia e a sustentabilidade é un dos obxectivos da Ribeira Sacra. A segunda mesa co título de “O potencial do sector agroalimentario”, contou coa participación de Hugo Criado, CEO de Medrar Smart Solutions; Xosé Lois Llamazares, coordinador xeral de Galletas Daveiga; Rocío Freire, directora de Calidade, Produción e I+D de Alibós Galicia; Ana Vázquez, responsable de Arias Moniz; José Luís Cabarcos, director xeral de Agacal e Elena Polo Prieto, técnico de innovación de Axencia Galega de Innovación. Elena Polo quixo destacar a idea de que calquera empresa pode innovar e que hai distintos programas de axudas da Xunta para apoiar estes procesos. “O viño como porta ao mundo” foi a última mesa de traballo deste II Foro Think Tank. Participaron o vicepresidente primeiro e conselleiro de Economía, Industria e Innovación, Francisco Conde; o director de Competitividade do Igape, Norberto Penedo Rei; Juan Luís Méndez Vermello, CEO de Vinigalicia; Ivan Prado, xerente da man de Prado; Rubén Moure, CEO de Leira Cuarta e Juan Manuel Rodríguez, presidente do CDRO Ribeira Sacra.
Na mesa fíxose fincapé na relevancia do sector do viño como motor da Ribeira Sacra, aínda que se resaltou o papel do turismo na evolución positiva deste sector na zona e na necesidade de apoio mutuo para seguir medrando

FRANCISCO CONDE NA CLAUSURA DO FORO
O vicepresidente primeiro e conselleiro de Economía, Industria e Innovación, Francisco Conde, salientou que a dixitalización, a eficiencia enerxética e a internacionalización son tres dos obxectivos estratéxicos recollidos na axenda de Galicia a través dos Orzamentos de 2023. Na súa intervención, sinalou que este encontro permite poñer en valor a excelencia do sector agroalimentario da zona; dos seus viños; e da aposta que se está a facer polo turismo sustentable; poñendo así en valor “que a Ribeira Sacra é Galicia Calidade”.No acto, Conde incidiu en que a saída aos mercados exteriores é un dos grandes retos que afronta o tecido empresarial, sumado á transformación dixital e a transición enerxética. Iso fai, segundo explicou, que a cultura da eficiencia e a sustentabilidade teñan que estar hoxe en día na axenda de calquera empresa para poder facer fronte ao impacto que o prezo eléctrico ten sobre os custos de produción. Por iso, nos orzamentos para 2023 duplícanse os orzamentos para axudar ás familias e ás empresas a rebaixar a factura eléctrica (pasan de 40 a 75 millóns de euros). Dentro desta partida, destínanse 17 millóns de euros a incentivar o autoconsumo e as comunidades enerxéticas empresariais e 20 millóns de euros a impulsar a presenza da Marca Galicia e das empresas galegas nos mercados internacionais.•

Deixa unha resposta

Your email address will not be published.

Nova Anterior

Mónica Freire presentou a terceira
edición de “O que non arde”

Seguinte Nova

Rueda amosa o compromiso da Xunta coa saúde mental

Últimas noticias sobre ECONOMÍA

A %d blogueros les gusta esto: