A Terceira Edición do Qui-Medo de Quiroga contou coa participación de máis de 900 persoas inscritas. Todos estes valentes participaron nunha ruta que os levou por oito terroríficas casas dentro do casco urbano de Quiroga nas que cen voluntarios debidamente caracterizados atemorizaron a todos os que se atreveron a entra, nun recorrido que se fixo en preto de tres horas. As entradas a cada casa estiveron restrinxidas a grupos de entre 5 e 7 persoas. Pero non só houbo unha ruta do terror no Qui-Medo, tamén houbo animación e festa no pavillón municipal, primeiro infanteil, e unha vez rematou o recorrido polas distintas casas, a partir das doce e media da noite festa para todos aqueles que prolongaron a noite do Samaín durante tres horas máis.•
