Alá polo pasado mes de Xuño os veciños usuarios da operadora de telefonía móbil Movistar viron colmada a súa capacidade de paciencia, como consecuencia da interrupción dos servizos de telefonía durante máis de 24 horas, unha incidencia que se unía aos numerosos problemas e cortes que de forma regular viña padecendo desde setembro de 2021. Estes problemas cunha subministración fundamental nos nosos días, non soamente prexudicou a numeroso particulares, senón que entorpecía gravemente a correcta prestación de servizos públicos básicos non só do Concello, senón tamén de entidades financeiras, servizos de urxencias, farmacias e empresas da comarca. Foi entón cando o alcalde de Quiroga Julio Álvarez, decidiu tomar medidas neste asunto, e instou a todos os afectados a interpoñer unha denuncia conxunta contra Movistar #ante a Oficina de Atención ao Usuario de Telecomunicacións, financiando integramente o concello os custos dos avogados contratados para o efecto, estimados entón en 1.900 euros.
Naquelas datas, a situación alcanzou tal nivel de indignación nos numerosos usuarios afectados, que mesmo houbo concentracións #ante a sede do concello para reclamar o que consideraban un auténtico abuso por parte da operadora de telefonía e internet.
Afortunadamente, durante este mes de novembro, cinco meses despois, algúns dos veciños afectados que interpuxeron a citada demanda, están a recibir unha notificación oficial respecto diso, vía correo postal, de Movistar, nas que se lles recoñece unha compensación económica como consecuencia da inxustificada interrupción dos seus servizos, asumindo a súa responsabilidade polos prexuízos ocasionados. Máis vale tarde que nunca. •
Últimas noticias sobre INICIATIVAS
A ONG SOGAPS (Solidariedade Galega co Pobo Saharaui) continúa coa súa labor de difusión do programa
O Mesón Ferreiriño alzouse co título de tapa gañadora no concurso Val de Quiroga de Tapas
O Xeoparque Montañas do Courel lanzou un concurso para seleccionar o seu novo logo, adaptado ás
O Obradoiro Dual de Empleo Serra do Faro VIII está a facer unha importante contribución á
O Concello de Sober converteuse esta semana no epicentro do lanzamento do «O Encontro de Sober»,