Convocadas as axudas para fomentar a creación de empresas do Concello de Monforte

Un ano máis e xa van seis, o Concello de Mónforte vén de convocar o Programa de axudas municipais á creación de empresas do Concello de Monforte de Lemos, «coa finalidade de colaborar dunha forma activa na xeración de emprego no noso municipio, apoiando e fomentando a posta en marcha de novos proxectos e iniciativas empresariais”, según sinala o seu Alcalde José Tomé Roca. O Alcalde destaca que este Programa de axudas municipais “contribúe a fixar poboación en Monforte, propiciando un crecemento e desenvolvemento sostibles, promovendo a creación de emprego estable e de calidade a nivel local e facilitando a empregabilidade das persoas en situación de desemprego”.
Esta convocatoria enmárcase no programa “Promoción do emprego, ano 2022” do Equipo de Goberno do Concello, que ten como obxectivo principal contribuír a fixar poboación en Monforte e propiciar un crecemento e desenvolvemento sostibles, promovendo a creación de emprego estable e de calidade a nivel local e facilitando a incorporación das persoas en situación de desemprego ó mercado laboral. O prazo para solicitar as subvencións estará aberto ata o 30 de novembro. As solicitudes poderán presentarse, mediante modelo normalizado, no Rexistro Xeral do Concello, na Sede Electrónica municipal ou por calquera outro medio previsto pola Lei de PACAP, e dirixiranse á Concellería de Facenda, Réxime Interior, Servizos Sociais e Discapacidade.•