Inaugurada a Zona C, logo da urbanización dos terreos entre Rof Codina e o barrio de Cobas

• Esta intervención constitúe un auténtico fito nunha cidade que historicamente foi urbanisticamente por detrás dos seus requirimentos de planificación

Acto inaugural polo remate das obras da urbanización da Zona C de Monforte, coa presenza do seu Alcalde José Tomé Roca e outros membros da corporación municipal . Foto GPCM.

O traballo de urbanización realizado na chamada Zona C, que supón dar saída á rúa Rof Codina, cara ao barrio de Cobas, promovido polo concello de Monforte, constitúe un auténtico fito. Nunha cidade que historicamente foi urbanisticamente por detrás dos seus requirimentos de planificación, e na que o normal viña sendo ir asfaltando as rúas ao longo de estradas ou camiños nos que se ían construíndo casas e edificios sen maior criterio, todo iso independentemente da cor política dos respectivos gobernantes da mesma, hai que felicitarse polo feito de romper esta dinámica, e máis aló, de estar ou non de acordo coa oportunidade ou non desta intervención, ou da consideración de como e cara a onde debe crecer a cidade de Monforte, que loxicamente pode ser obxecto de discusión, non se pode negar o valor do realizado.
Materializouse un proxecto urbanístico baseado na existencia dunha previsión, unha idea. E iso, non debera ser excepcional, é absolutamente recomendable e necesario. E foi o propio Alcalde de Monforte, José Tomé Roca, quen inaugurou, a Zona C, nun acto no que estivo acompañado pola primeira Tenente de Alcalde, Gloria Prada, o Concelleiro de Obras, Medio Rural e Servizos, José Luís Losada, o Concelleiro de Medio Ambiente, Miguel Tomé, o Voceiro Ibán Torres, a Concelleira de Cultura, Marina Doutón, o Concelleiro de Tecnoloxía e Innovación, Guillermo Díaz, a Concelleira de Consumo, Regina López Arias, así como numerosos veciños desta zona da cidade.
O rexedor monfortino destacou que “coa apertura desta nova zona urbanizada da cidade vimos de cambiar a fisionomía de Monforte. Puxemos valor unha zona que estaba abandonada e que dende o punto de vista da mellora urbana, supón un salto cualitativo moi importante, porque con proxectos coma este, Monforte, sigue avanzando”. “Para nós, para o Equipo de Goberno, é un día de moita satisfacción porque vemos culminado un proxecto que habíamos comprometido cando nos presentamos as eleccións no pasado mandato, e no que prometéramos desenvolver bolsas de suelo como a que hoxe inauguramos, dotándoa con espazos de lecer e de espazos urbanizables que beneficiarán o sector da construción e mellorarán esta zona da cidade”.
“As obras levadas a cabo na Zona C supuxeron a eliminación dunha balsa de maleza que existía dende o final da rúa Rof Codina ata a rúa Cobas e na rúa Fontecha, logo do cal abrimos novos viais, creamos novas parcelas para edificar e unha nova zona verde axardinada arredor da Gardería Municipal” destacou o rexedor municipal. “Con estas obras melloramos a trama urbana e poñemos en valor unha zona da cidade moi preto do monumento da Nosa Señora da Antiga, que sen dúbida vaille dar unha maior calidade urbana a esa parte de Monforte”.
Este proxecto contou cun orzamento de 918.165,09 euros e recibiu unha axuda de 300.000 euros aportados pola Deputación de Lugo, sendo o resto do orzamento total aportado polo Concello monfortino.

EDIFICACIÓNS DE BAIXO E TRES ALTURAS
A superficie resultante, unha vez urbanizados os terreos correspondentes á Zona C, supón 6.323 m2 para rúas novas, para espazos libres e axardinados, 8.982 m2 e pa para solares edificables, 5.785 m2. O aproveitamento urbanístico destes 5.785 metros cadrados urbanizables é de 22.230 metros cadrados edificables, dos cales 4.744 metros cadrados serían baixos e 17.486 metros cadrados serán para vivendas. As edificacións serán de baixo máis tres alturas, na marxe dereita con fachada e traseira e na marxe esquerda deberán ser doble fachada, por contar con paseos peonís entre os edificios e a zona axardinada.
Tamén se levou a cabo o asfaltado tanto da rúa Rof Codina como da súa ampliación. Neste senso, o Alcalde recordou que “a actuación na rúa Rof Codina, serve para desfacer un tapón nesta rúa e para completar o proxecto da Zona C, e por elo levouse a cabo a súa mellora dende a Avenida de Galicia ata a nova zona urbanizada, o cal supón tamén a súa ampliación, dende a Avenida de Galicia ata a rúa Cobas, dándolle saída ó tráfico”. Logo da inauguración da Zona C, na que José Tomé descubriu un monolito conmemorativo, no que se da nome á nova zona verde como “Parque da Gardería Municipal”.
O Alcalde concluíu destacando que “a urbanización da Zona C é un proxecto pioneiro en Monforte e para moitos outros concellos de Galicia, porque a través del vimos de mellorar urbanisticamente unha zona sensible para a nosa cidade como é a contorna do río, a proximidade do conxunto monumental de Nosa Señora da Antiga, máis coñecida como Escolapios, e o Barrio de Cobas”.•

Deixa unha resposta

Your email address will not be published.

Nova Anterior

A tecnoloxía 5G chega a sur de Lugo

Seguinte Nova

Segue invicto o equipo cadete do Val de Lemos

Últimas noticias sobre INFRAESTRUCTURAS

A %d blogueros les gusta esto: