Sarria e O Escorial, irmandadas polo chocolate

Os alcaldes do Escorial e Sarria, certificaron esta semana en Sarria cun emotivo encontro o irmandamento de ambas vilas e acordaron de forma solemne en nome dos seus habitantes, establecer e potenciar lazos permanentes entre os dous concellos, e buscar obxectivos comúns nos que poder traballar conxuntamente promovendo iniciativas de tipo cultural, social, turísticas ou económicas.
Nos actos de irmandamento, tamén participaron Xaime López Arias (Arlindo) e Gregorio Sánchez Meco, cronista oficial do Escorial, quen falou da chegada de Matías López ao seu municipio, e a súa repercusión na vida social e económica da vila madrileña. Pois é a figura de Matías López o punto de unión de estes dous concellos separados por perto de 470 quilómetros. Este ilustre sarrián,comprou unha fábrica de chocolate en 1874 no Escorial, que logo das necesarias melloras, chegaron a saír máis de 13.500 quilogramos de chocolate ao día, abastecendo a máis de 1.000 establecementos, e chegou a empregar a máis de 500 persoas, revitalizando unha vila que ata a chegada de Matías López levaba anos perdendo poboación. Foron os anos nos que O Escorial cheiraba a chocolate. Esta semana, case 150 anos despois, as comitivas participantes neste irmandamento compartiron na Praza de Abastos unha chocolatada, con boliños da panadería pallares e torta de Sarria e Ousá.•

Deixa unha resposta

Your email address will not be published.

Nova Anterior

A Pobra do Brollón destitúe a Franco como “alcalde honorario perpetuo”

Seguinte Nova

As reclamacións a Movistar dos veciños de Quiroga dan os seus froitos

Últimas noticias sobre INICIATIVAS

A %d blogueros les gusta esto: