A Casa da Cultura de Monforte amosa o Belén do artista J. Antonio Dávila

Foto Montero

A Concelleira de Cultura, Marina Doutón, acompañada polo Concelleiro de Obras, Medio Rural e Servizos, José Luís Losada, inaugurou o Belén do Concello de Monforte deste Nadal, que foi elaborado polo artista J. Antonio Dávila, quen estivo tamén presente en dito acto.
O Belén, que está instalado na Sala de Exposicións da Casa da Cultura Poeta Lois Pereiro de Monforte, poderase visitar ata o ó 8 de xaneiro de 2023.
Trátase dun Belén con figuras de diferentes tamaños e no que se narran diferentes escenas e aparecen diferentes personaxes relacionadas co Nacemento do neno Xesús: a Anunciación, pedindo pousada en Belén, o propio Nacemento, a visita dos Reis Magos a cabalo e dos pastores, o empadroamento, a fuxida a Exipto, comerciantes, soldados romanos, etc. Tamén conta con toda clase de edificacións tales como o castelo de Herodes, a pousada, o forno, a ferrería, ou o propio Portal do Nacemento.
A montaxe ideada por J. Antonio Dávila ten efectos lumínicos que simulan o día e a noite, así coma fontes e unha fervenza de auga.que se inclúe dentro do Programa de Nadal de Monforte.•

Deixa unha resposta

Your email address will not be published.

Nova Anterior

A campaña «Galicia sabe aMAR» promocionará os produtos do mar da comunidade por máis de 5.000 quilómetros dos Camiños de Santiago

Seguinte Nova

Monforte acollerá a sede dun Centro de Competencias Dixitais e de Ciberseguridade de RENFE

Últimas noticias sobre INICIATIVAS

A %d blogueros les gusta esto: