A Asociación de empresarios e comerciantes do Xeoparque Montañas do Courel, coa finalidade de incentivar as vendas durante este mes de decembro, ten en marcha a campaña “Nadal viaxeiro e gastón”.
NADAL VIAXEIRO E GASTÓN
En cada un dos locais participantes hai unha urna onde se deberán depositar os tickets, con nome e número de teléfono, que se dan por cada compra superior a 10 euros.
PREMIOS VALORADOS EN 1.200 EUROS
Os premios, valorados en 1.200 euros, aos que poderán optar todas aquelas persoas que merquen no comercio local ata o 2 de xaneiro son dúas viaxes ( 2 noites no Hotel Talaso de Baiona e 1 noite no Rectoral de Castillón) e dúas compras express de 300 euros.
A promoción estará vixente ata o venres día 2 de xaneiro e o sorteo celebrarase ao día seguinte. Tras o sorteo farase público o nome dos gañadores a través do facebook da asociación.
INVICTACIÓN A APOIAR AO PEQUENO COMERCIO LOCAL DE QUIROGA
A presidenta da asociación de comerciantes, Almudena Rodríguez, anima a todos os veciños a que este Nadal apoien ao pequeno comercio comprando nos establecementos locais. •
