Jose Rodríguez Fernández foi nomeado presidente da xestora do PP de Ribas de Sil co obxectivo de renovar e reforzar a agrupación local. Rodríguez é natural de San Clodio, ten 23 anos e forma parte de Novas Xeracións do PP dende fai cinco anos. Socorrista e opositor a técnico medioambiental, amósase moi ilusionado e con ganas de traballar por Ribas de Sil: “Quero facer algo por mellorar o meu pobo, que non siga indo cara abaixo. E cando me deron a oportunidade dixen para adiante”. O novo presidente presentará en próximas datas o seu equipo no que agarda contar con “xente nova e tamén veciños e veciñas con experiencia dispostos a traballar polo noso pobo”. Co obxectivo de “fortalecer o Partido Popular no noso concello a longo prazo”, Rodríguez convida a “unirse ao proxecto do PP a todos aquelas persoas que queiran mellorar o noso pobo”.
A dirección provincial amosa o seu agradecemento polo compromiso de Jose Rodríguez Fernández.•
Cargando ...
