Ata o 31 de xaneiro de 2023 poderá verse no Pazo de San Marcos de Lugo a exposición fotográfica Destino, de Manuel Valcárcel, o resultado dunha peregrinación interior por catro continentes que vai unindo historias ligadas por un mesmo senón: partindo da idea de que o destino marca o noso devir, son as nosas eleccións as que en realidade marcan o camiño.
A exposición e o catálogo divídense en cinco viaxes que van en orde cronolóxica e cada un ten un leitmotiv que explica o periplo e uns personaxes que o levaron a cabo. O primeiro foi no Tíbet, no monte Kailash, motivado polo perdón interior e no que o propio Piro realizou a kora; o segundo tivo como escenario o Senegal, no que un amigo de Piro, Assan «Billy», por amor cara á súa familia regresou ao seu fogar; a continuación vén México, viaxe motivada polo respecto á natureza e cuxos protagonistas foron un amigo do fotógrafo, Lolo, xunto con Elia Sacro e don Flor. As dúas últimas viaxes, á Casa dos Deuses (León) realizouse durante a pandemia, por iso é polo que a súa leitmotiv sexa a saúde e é o que máis personaxes ten; a última viaxe, que en palabras do fotógrafo pecha unha etapa da súa vida e de aí a esperanza polo futuro, realizouse en Galicia.•
Cargando ...
