Catro bens de interese cultural (BIC) de Quiroga serán dixitalizados pola Xunta de Galicia formando parte dun catálogo que recolle 337 bens en toda a comunidade.
A Xunta de Galicia, a través dos fondos europeos do plan de recuperación, acaba de licitar o contrato para dixitalizar todos os bens de interese cultural (BIC), dos que 7 están na comarca de Quiroga, e catro deles no Concello de Quiroga.
Coa intención de acadar un catálogo actualizado de todos os bens relevantes, cada BIC contará con entre 20 e 75 fotos dixitalizadas, dependendo do tipo de monumento ou conxunto monumental.
Este proxecto de inventario supoñerá un paso para ter todo o patrimonio recollido de forma dixital e actualizado a nivel audiovisual. A Xunta poderá utilizalo con criterios máis uniformes para as súas campañas de promoción, para a súa mellor conservación ou para a súa posta en valor a través de todo tipo de publicacións.
A catalogación farase sobre o Castelo de Carbedo, Froxán e Seceda en Folgoso do Courel e sobre os Covallos, o Castelos dos Novais, o Tunel Romano de Montefurado e a Ponte do Bibei. •
Últimas noticias sobre INICIATIVAS
A ONG SOGAPS (Solidariedade Galega co Pobo Saharaui) continúa coa súa labor de difusión do programa
O Mesón Ferreiriño alzouse co título de tapa gañadora no concurso Val de Quiroga de Tapas
O Xeoparque Montañas do Courel lanzou un concurso para seleccionar o seu novo logo, adaptado ás
O Obradoiro Dual de Empleo Serra do Faro VIII está a facer unha importante contribución á
O Concello de Sober converteuse esta semana no epicentro do lanzamento do «O Encontro de Sober»,