Os socialistas de Sarria denuncian a desatención sanitaria da vila

Os socialistas de Sarria denuncian a desatención sanitaria que sofre a veciñanza. Tras escoitar as queixas dos doentes, así como comprobalo in situ no propio centro de saúde, denuncian que “só hai un pediatra para atender a toda poboación, xa que non se cobren nin as baixas, nin as vacacións dos facultativos”.
Ademais, lembran que inicialmente había dous pediatras que pasaban consulta, “pero dende hai tempo hai un de baixa e actualmente aínda non se cubriu”, advirten dende o PSdeG. Nesa liña, inciden en sinalar “que foi o PP o que impulsou os recortes sanitarios na vila, que comezaron co peche do ambulatorio situado da parroquia de Ourol”.

Os socialistas de Sarria advirten de que esta situación ten como consecuencia “unha perda de calidade asistencial moi acusada. Estamos falando dun dos concellos máis grandes da provincia da Lugo, cunha poboación que ronda as 13.000 persoas, que non poden quedar desatendidas e abandonadas”, explican.
No que se refire aos médicos de familia do ambulatorio, “unha praza está sen cubrir, polo que o resto dos sanitarios que pasan consulta encárganse da súa cota. Polo tanto, sufrimos recortes en pediatría e recortes na Atención Primaria. Estas son as receitas do PP para atención sanitaria no concello de Sarria, desmantelamento sanitario e abandono”, inciden.•

Deixa unha resposta

Your email address will not be published.

Nova Anterior

A plataforma de venda en liña Son de Lugo contará un programa de asesoramento e formación de novos produtores

Seguinte Nova

O BNG de Monforte pide a creación de puntos de carga para vehículos eléctricos

Últimas noticias sobre POLÍTICA LOCAL

A %d blogueros les gusta esto: